Подробнее

Shayx hazratlarining vafotlaridan keyin «Zikr ahlidan so'rang» xizmati o'zlari izn bergan, eng bilimdon shogirdlaridan tashkil topgan hay'atga topshirildi. Hozirgi kunda ushbu hay'at har kuni o'nlab savollarga javob berib, xalqimizga beminnat xizmat qilmoqda. Аlloh taolo ularning xizmatlarini barakali va davomli qilsin! Biz ham ushbu hay'atdagi ustozlarning maslahatlari bilan muslimalarimizning savollariga javob berib kelmoqdamiz. Bugunga kelib sahifadagi savol-javoblarni yig'ib, kitob shakliga keltirish zarurati tug'ildi va kamina xodimangiz bu ishga bel bog'lab turibdi. Bundan ko'zlangan asosiy maqsad ustozimizning yo'llarini davom ettirish, jamlangan ma'lumotlarni keng kitobxonlar ommasiga, Internet xizmatidan foydalanish imkoni bo'lmagan opa-singillarimizga ham ulashishdir. Kitobning nomini shayx hazratlariga ergashib, hadisi sharifdan olingan ibora bilan «Bilimsizlikning shifosi – savol» deb atadik. Kitobdan nimaiki manfaat topsangiz, Аlloh taolodan deb bilgaysiz, ajru savobi padari buzrukvorimga bo'lsin. Kamchiliklar bo'lsa, bizning nuqsonimizdandir. Kamol yolg,iz Аllohga xosdir.