Tafsilot

Kishilik tarixida har bir davrning salohiyati, ravnaqi uning ilmga bo‘lgan munosabati bilan o‘lchanadi. Ayniqsa, diniy ilmlarni o‘rganish, Islom taʼlimotlaridan boxabar bo‘lish har bir musulmon uchun ham farz, ham qarz. Ana shuni nazarda tutib, musulmonlarimiz uchun hamisha yordamga keladigan, dinlari uchun zarur va foydali ilmlar jamlangan, Islom dini arkonlariga oid eng kerakli maʼlumotlardan iborat bir kitob taklif etish istagi tug‘ildi. Ushbu kitobga dinimizga oid iymon, aqida, Qurʼon, ibodat, siyrat, ilm, odob, oila va nikoh, halol va harom kabi eng muhim mavzular asosida musulmon kishi uchun kundalik zarur maʼlumotlar jamlandi. Kitobning barcha musulmonlar uchun manfaatli va kerakli kitob bo‘lib qolishidan umid qilamiz.